نكت مصرية تحفة

استعرض الموضوع السابق استعرض الموضوع التالي اذهب الى الأسفل

نكت مصرية تحفة

مُساهمة  Amira في الجمعة نوفمبر 20, 2009 10:22 pm

Very Happy صعيدي بالجيش اسمه ثابت
كل ما يصرخ الضابط ثابت يقول : افندم!!!
الضابط يقول للصعيدي : يابابا مش انته ,أنا قصدي خليك ثابت مكانك.
علم الضابط ان الوزير حيزورهم وقال : أكيد ثابت حيفضحني قدام الوزير ، فأحسن لي أطلعه اجازه .
يوم وصل الوزير صرخ الضابط : ثابت
صرخوا الصعايده كلهم : مش هنا يافندم طلع اجازه . Laughing


Very Happy قالت البنت بابا في شاب ابن ناس ومافيهوش ولا عيب عايز يجي يخطبني
طبعآ وافق الاب
جه الشاب وقعد مع الاب وكان في فمه لبانه قاله الاب انت عجبتني قوىوما فيكش ولا عيب
بس هل دى مناسبه تمضغ فيها لبانه؟
قاله بس ياعمي ضرورية بعد السيجارة قاله هو أنت بتدخن؟ قاله على خفيف مع كاس الويسكي
قاله وبتشرب كمان قاله احيانآ لما بلعب قمار قاله فين بقى بتلعب القمار؟
قاله فى الكباريه
قاله ومن امتآ بتروح على الكباريهات؟ قاله من وقت ما طلعت من االسجن قاله وليه دخلت السجن؟
قاله ضربت واحد بالسكينة ومات
قاله وليه موِتته؟ قاله لاني طلبت ايد بنته وما وافقش
قاله الاب على بركة ألله يللا نقرا الفاتحة....... Laughing

Very Happy واحد عنده كتكوت مفترس ، كل ما يدخله قفص الفراخ يروح الكتكوت واكلهم ، وفي قفص القرود ياكلهم ، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه بعد تلات أيام ، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت مت ؟ قام الكتكوت وقال له : يخرب بيتك بوظت الكمين Laughing

Very Happy واحد دلوعة اوي ابوه جبله شريط اسلامي عشان ينصلح حاله تاني يوم الاب رجع البيت لقى ابنه متحجب Laughing

Very Happy واحد مسطول راح صيدلية يشترى جبنة حاول الصيدلى يفهمه ان مفيش جبنه بتتباع هنا وشويه و مسطول تاني جه، فالصيدلى قاله فهم صاحبك ان مفيش جبنه بتتباع هنا قال لة ياعم سيبك منة دا غبى ادينى بنص جنيه لانشون Laughing

Very Happy بيسألو واحد بلديتنا: تعرف مين طاهر القويرى؟
قال: مش لما اعرف مين طاهرنى انا الاول Laughing

Very Happy مرة واحد اتخانق مع ابوة فسبلة البيت ومشى ابوة قالة رايح فين مردش علية وقام
موقف تاكسى وركب السواق قالة على فين قالة ازا كان مقلتش لابويا هقلك انتااا Laughing

Very Happy مرة واحد غبى مش عايز يروح المدرسة ابوه قاله ليه مش عايز تروح المدرسة اصل يا
بابا المدرس بيقولى انا غبى ومبفهمش قالوا طيب انا هروح معاك المدرسة وهشوف
المدرس المهم ان ابو الواد راح المدرسة قال للمدرس انت ليه بتقول على ابنى غبى
ومبيفهمش المدرس قال انا هثبتلك ان ابنك غبى راح المدرس قال للواد روح شوفنى فى
مكتب الناظر وتعالى راح الواد وجيه قال مش موجود فى مكتب الناظر راح ابو الواد
قال ملقتهوش فى مكتب الناظر طيب انزل شوفو فى الحوش Laughing

Very Happy مره خمس صعايده داخلين امتحان فجالهم سوال ما هي عدد ارجل المعزه؟ كلهم قعدوا يسالوا الدحيح بتاعهم مكنش بيرد عليهم
بعد الامتحان بيسالوا انت مكنتش بترد ليه قالهم اصل المراقب كان جنبي معرفتش
اطلع المعزه Laughing

Very Happy واحد صعيدي نزل محطة مصر لقى بتاع الأنابيب بيخبط عليها، قال له
افتحلي واحدة ساقعة لو سمحت Laughing

Very Happy بلدياتنا سافر امريكا واصحابه نصحوه ياخد معاه 3 زلع مش علشان الاكل الامريكانى
مش حلال بس نبهوه يسمى قبل ما ياكل احسن الشيطان ياكل معاه.اول شهر اكل اول
زلعة بس نسى يسمى، تانى شهر برضه نسى يسمى، ثالث شهر طلع له الشيطان قال
له:"ابوس ايدك سمى، صدرى اتحرق!" Laughing

Very Happy قال لها : يمكن مكنش غني .. ولا عندي عربية ولا فيلا ولا مزرعة ولا شركه ولا
فلوس زي محسن صاحبي ولكني أعشقك واحبك .. فضمته ودمعت عيناها وقالت : إن كنت
بتحبني بجد .....عرفني على محســـــن Laughing

Very Happy صعيدي وامريكي الامريكى قال للصعيدي وصلتو فين بالتطور
الصعيدي رد وقال ياعم تطور ايه دا اححنا رجعنا لورا
ثم سأل الصعيدي الامريكي انتوا وصلتوا فين بالتطور الامريكي قاله احنا وصلنا
بالتطور اذا القمر الصناعى عطل في السما نقدرنصلحه الصعيدي فكر شويةوقل
يااااااااااااااه هو المفك بتاعكم طوله أد ايه Laughing

Very Happy فرختين مشيين الأولى معلقة بيضة على رقبتها.. فالتانية بتسالها أية البيضة دي؟ قالت دي صورتي وأنا صغيرة. Laughing

Very Happy صعيدي ضاعت محفظته راح يدور عليها بلغ في القسم الضابط بيقولوا ما تقلقش يا بلدينا هنجبهالك من تحت الأرض، وبعد ما خرج من القسم شاف الناس بيحفروا للخط بتاع المترو.. الصعيدي قالهم الهمة يا رجالة سودة وفيها سوستة. Laughing

Very Happy مرة مسئول كبير راح يفتتح حمام سباحه كبير في الصعيد فكان مدير الحمام بيشرح له مميزات الحمام فقال ده يا فندم المنط العشرين متر اطلع يا محمدين نط فنط، وده يا فندم المنط الأربعين متر اطلع يا حسنين نط فنط، فقال المسئول هايل هايل، فقاله المدير ولسه كمان يا فندم لما نملاه ميه . Laughing

Very Happy بيقولك مرة فأر ماشي مع خطيبته في الغابة وفجأة لقى الأسد، فحب يعمل راجل قدام خطيبته فراح للأسد قاله: أنت حيوان. الأسد رد قاله: أنت بتشتمنى أنا؟ رد الفأر وقاله: أيوه بقولك أنت. ومشي الفار وروح خطيبته لبيتها. وهو راجع قابله الأسد قاله: أنت كنت بتشتمني أنا يا فااااار؟ قاله: لا والله هو أنا أقدر؟ ده أنت ملك الغابة هو حد يقدر يشتمك؟ أنا أسف وهات راسك أبوسها. طلع الفار على رأسه عشان يبوسها فلقى خطيبته معديه. فقال للأسد: أدوس على دماغ أمك دلوقتي؟ Laughing

Very Happy مرة واحدة قاعدة مع جوزها في جو رومانسي قالت

لجوزها قولي كلمة حلوه قالها: بسبوسة قالت لأ كلمة تهزني قال لها مرجيحة قالت كلمة تحسسني أني مراتك قال لها انتي طالق Laughing

Very Happy صرصار ندل عزم 4 من أصحابه اول
ما اتجمعوا شد السيفوووون عليهم Laughing

Very Happy مره واحد شاف واحد زعلان قاله انتا زعلان ليه قاله
والنبى شبسى فى حالى قاله ليز قاله ابويا كرنشى من البيت قاله يا عم قلبظ دماغك Laughing

Very Happy مرة واحد صعيدى بس عايش فى القاهرة بعت بنته علشان تجيبله فيلم فلما رجعت
وخبطت على الباب الاب قال مين اللي على الباب؟ قالت له انا يا بابا قال لها جبتيلنا ايه معاكي؟ قالت له العار قال ادفنوها Laughing

Very Happy واحد ماشى ورا وحدة قالها
الحلوة وراها مشوار قالتلة لا وراها حمار Laughing

Very Happy مسئول بيقول لمسئول ايه اخبار

الصوره الى على علبه السجاير قله ناس كتير بطلتها قاله الحق نزلها على رغيف العيش Laughing

Very Happy واحد مسطول خبط شرطى بالعربية فااتصل 122 و قالهم
احب ابلغكم انكم بقيتم 121 Laughing

Very Happy مرة واحد عيان عنده برد وحمى وقاعد في المستشفى..جه باباه يزوره..فوهو داخل
الاوضة شاف بنت حلوة خارجة من عنده..فقاله ازيك دلوئت؟ قاله انا كويس الحمدلله البرد والحمى خرجوا خلاص..فرد ابوه وقاله اه مانا شفتهم خارجين لما دخلت Laughing


Very Happy مره واحد صعيدى كان اول مره يشوف عربيه فسال واحد بتمشى اذاى فرد وقال
بالبنزين فالراجل خد الحمار بتاعة وراح البنزيمه وقال للعامل بتاع البنزيمه يضع فى بطن الحمار اتنين رتل بنزيم فالرجل رفض بشده ولاكن الصعيدى صمم فوضع الرجل البنزيم فى بطن الحمارفبدءت بطن الحمار بالوجع فجرى الحمار فقال الصعيدى ممكن تحطلى اتنين رتل علشا الحقه Laughing

Very Happy مره واحده بتسال الخدامه الجديده انت بتحبي القطط قالت
ماتقلقيش يا ستى انا ممكن اكل اي حاجه Laughing


lol! lol! lol!
avatar
Amira
Admin

المساهمات : 305
تاريخ التسجيل : 19/11/2009
العمر : 31

معاينة صفحة البيانات الشخصي للعضو http://amiracool.forumt.biz

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى