جراح والم وحزن

استعرض الموضوع السابق استعرض الموضوع التالي اذهب الى الأسفل

جراح والم وحزن

مُساهمة  TEMO في الخميس يناير 14, 2010 4:07 pm

غبت يومين ورجعـت وصـار قلبـك مـن حديـد
وش خطاي اللي خطيته .. يوم تستكثـر سلامـك ؟

كان همسك لي قصيد .. وصرت يـاروح القصيـد
تجـرح القلـب بنظـرك .. وتكمـل الباقـي بكلامـك

انـت ماانـت اللـي عرفتـه .. انـت متغيـر اكيـد
لاهـواك .. ولا هنّـاك .. ولا فرحـك .. ولا مقامـك

وينهـا ضحكـة عيونـك ياعسـى عمـرك مديـد
ما زهالي غيـر روض ٍ فـاح بـه ورد ابتسامـك

فـي غيابـي عنـك اسولـف.. للقريـب وللبعيـد
واسرح بوسـط السوالـف بيـن جنتـك وحمامـك

في غيابـي عنـك ادور .. مـن بريـد اليـا بريـد
عـن مكاتيـب ٍ توصـل لـي سوالفـك وغرامـك

ماهقيـت انـك نسيـت .. وصـــار لـك حـبٍ جديـد
كيف اصدق شخص غيري صار هو كل اهتمامك

خابـرك صعـب المنـال .. ومـا تطولـك أي ايـد
خابـرك مثـل السحـاب وكلنـا نرجـي غمامـك

خابرك ظبي ٍ جفـول .. ومـا تسعـك الفيـن بيـد
خابر ٍ لك نظرة ٍ تفـرض علـى الكـل احترامـك

ماخطـر فـي بالـي انـك عـن مسـاراتـي تحيـد
او تبدي شخص غيـري فـي عواطفـك وهيامـك

مــوقـفـك واضـح امـامـي لاتعـيـد .. ولا تـزيـد
يكفي اللي صار منك . ومن خناجـرك . وسهامـك

فالمعانـد خـذ عنيـد .. وفي الشدايـد خـذ شـديـد
مااقبل انصاف الحلول .. وموقفي واضح امامك

ليه تسقينـي خصـام .. وخاطـري منـك قصيـد
ليه يسري بي جفاك .. ومنـوة ادروبـي غرامـك

مثـل مـا قـال المثـل .. ماللحديـد إلا الحـديـد
هـذي نهايـة كلامـي يـوم تجرحنـي بكـلامـك

كان شوفك يوم عيد .. وصـار بعـدك يـوم عيـد
روح عني .. يغني الله عـن محبتـك .. وسلامـك


avatar
TEMO

المساهمات : 18
تاريخ التسجيل : 04/01/2010
العمر : 25

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى